Ս. Թէոդորոս զօրավարը համաքրիստոնէական սուրբ է, որուն յիշատակութիւնը Հայ Առաքելական եկեղեցին կը տօնէ Մեծ Պահքի առաջին Շաբաթ օրը: Ըստ վարքագիրներուն, ան ծնած էր Ամասիա քաղաքի Սարու գիւղին մէջ և ունեցեր է քրիստոնեայ բարեպաշտ ծնողներ: 4-րդ դարի սկզբին, Դիոկղետիանոսի հալածանքներու ժամանակ, կուռքերու հնարովի և կեղծ ըլլալը ապացուցելու համար ան գիշերով հուրի կը մատնէ հեթանոսական Ռէա չաստուածուհիի մեհեանը: Այս արարքին համար բանտ կը նետուի և մեծագոյն չարչարանքներէն յետոյ 306 թուականին կը նահատակուի` այրուելով կրակի վրայ: Ս. Թէոդորոս զօրավարը յայտնի է նաև որպէս վիշապասպան, ով քաջութեամբ ու հաւատով յաղթեր է հսկայ վիշապին: Օտար եկեղեցիներուն մէջ յայտնի է նաև «Դիռոն» անուամբ, որ յունարէն կը նշանակէ «նորեկ զինուոր»:
